مسلسل شوق يواجه انتقادات و رشا شربتجي توضح
مع انتهاء عرض مسلسل “شوق” للمخرجة رشا شربتجي خرجت العديد من الانتقادات حول الهدف من شخصية “شوق” التي أدتها الفنانة السورية نسرين طافش وما تريد قوله من خلال المسلسل وخصوصاً أن العمل سمي باسمها بينما وجد الكثيرين أن الخط الدرامي المتعلق بالطبيبة روز (سوزان نجم الدين) هو الأجمل والاقوى في المسلسل .
وقالت رشا شربتجي: “حبايبي…بعد ما انتهى شوق … سامحوني وجعتكن كتير بس حابة خبركن انو الوجع بيمسنا كلنا… و بتنويه لاسم المسلسل بعد ما كتار منكم سأل حابة وضح انو شوق هي سوريا المريضة ..الموجوعة و واجعة كل الناس حواليها …هو الشوق و الحنين للذكريات الجميلة و للماضي الحلو اللي عشناه كلنا بوطنا.. بسوريا الغالية ع قلوب الكل “.
وأضاف رشا: “شوق هو شوق كل الشخصيات لسوريا الامان .. سوريا المحبة.. للحبيب .. للوطن … يمكن سوريه تعبت … يمكن مرضت… بس الأمل موجود … الجيل الجاية هو الامل ..رح يعمرها و يرجعها من جديد ان شاء الله… يمكن نحنا اتوجعنا و مات بقلبنا شغلات كتير… بس الجاية انشاء الله رح يكون احسن”.
وحول نهاية شخصية “روز” قالت رشا: “بالنسبة لنهاية قصة روز .. الحرب لسه ما خلصت و في مئات المخطوفين .روز مثال …. رح ننطرن و الامل ما رح يموت و رح يرجعو انشاء الله… و انا بوقت تصوير مشاهد كتيرة زعلت معكن وبكيت كمان .. بس شوق جابت شام الصغيرة و هي رح تكمل من بعدها … بتشكر محبتكم و كلامكم الحلو من قلبي و بقدر زعلكم ووجعكم و دموعكم مع شخصيات حبيتوها و صارت لحم و دم و صدقتوها و تفاعلتو مع أوجاعها و بمشاعركم الصادقة… انا بكمل .. و بتكون مسؤوليتي باختيار القادم اصعب لضل محافظة على هالثقة و هالمحبة … محبتي الكن جميعا فردا فرداو شكر كبير …شكر من القلب .. رشا شربتجي “.
